Turkiyada «Hadis va hayot» kitobi darslik sifatida qo‘llanila boshladi

Turkiya jumhuriyatida o‘zbekistonlik yetuk diniy olim, marhum fazilatli shayx Muhammad Sodiq Muhammad Yusuf (rohimahulloh)ning kitoblari asosida darslar berila boshlandi. Bu haqda Islom.uz axborot xizmati xabar bermoqda. 

“Markaziy Osiyo musulmonlari ta'lim va tadqiqot markazi (MAMER) fazilatli shayx Muhammad Sodiq Muhammad Yusuf hazratlarining qalamiga mansub «Hadis va hayot» turkumi asosida darslar boshlanayotganini xabar qilmoqda. Darslar barcha uchun ochiq bo‘lib, ular har haftaning payshanba oqshomida soat 20:00 da «Merter byuro»da bo‘lib o‘tmoqda. Kelgusida bu darslar haqida to‘liqroq ma'lumot taqdim etamiz”, - deyiladi xabarda.