Maykl Pens Venesueladagi mojarolarni tinch yo‘l bilan hal etish mumkinligini aytdi

Venesuelada «tashqi intervensiya uyushtirishi» mumkinligini aytgan prezident Donald Trampdan so‘ng, mamlakat vitse-prezidenti Maykl Pens yakshanba kuni so‘zlagan nutqida «​Venesueladagi siyosiy inqirozni tinch yo‘l bilan hal etishning ko‘plab yo‘llari bor»​ ekanini ta'kidlagan.

Lotin Amerikadagi bir necha davlatga tashrif buyurishi rejalashtirilgan Maykl Pensning ayni so‘zlari Kolumbiyaning Kartaxena shahrida yangradi. «​Venesuela masalasida yechim topish uchun ixtiyorimizda ko‘plab tanlovlar turibdi. Prezident Lotin Amerikasidagi ittifoqchilarimiz bilan muammo tinch yo‘lda hal qila olishimizga ishonadi»​, deb fikr bildirgan u.

Prezident Trampdan farqli ravishda vitse-prezident «yumshoq diplomatiya» tilida fikrini bayon etdi: «​Biz mazkur yarimshardagi ozod xalqlar bilan yelkama-yelka demokratiya tantana qilishi uchun so‘nggi damgacha birga bo‘lamiz»​, deydi Pens.

Shuningdek, OAV uchun o‘tkazilgan qo‘shma matbuot-anjumani paytida Kolumbiya prezidenti Xuan Manuel Santos «​har qanday intervensiya shakliga qarshi»​ligini bildirdi. Maykl Pens esa AQSh qo‘shimcha iqtisodiy sanksiyalarni joriy etish bo‘yicha loyiha tayyorlashini ma'lum qilgan.