Belgiyada avtomobil haydovchisi bir guruh kishilarga qasddan hujum uyushtirdi

Belgiyada avtomobil haydovchisi ziyofat qatnashchilariga qasddan hujum uyushtirdi. Ularning 4 nafari turli jarohatlar oldi, bir kishining ahvoli og‘ir. Belga agentligi shu haqida xabar berdi. 

Voqea yakshanba kunga o‘tar kechasi, taxminan soat 3:30 atrofida Lyuksemburg provinsiyasidagi Assenua shahrida  ro‘y berdi. 

Agentlikning prokuratura vakiliga asoslanib xabar berishicha, uch kishi bo‘lgan avtomobil odamlar ustiga  bostirib borgan. 

Guvohlarning tezkor xatti-harakatlari natijasida hujum uyushtirgan shaxslar huquq-tartibot organlari xodimlari tomonidan bir soat ichida qo‘lga olingan.

Prokuratura xodimining so‘zlariga ko‘ra, voqea terakt sifatida qayd etilmagan.