Belarus Rossiyaga qarzini to‘lash uchun Rossiyadan qarz oladi

Rossiya hukumati Belarusga 700 mln dollar miqdorida kredit ajratishni ma'qulladi. Bu haqda huquqiy ma'lumotlar internet-portaliga joylashtirilgan farmoyishda so‘z yuritilgan. 

Hujjatda aniqlik kiritilishicha, Belarusga pul mablag‘lari «Belarusning Rossiya oldidagi qarzini yopish va 2017 yildagi majburiyatlarini bajarishi uchun ajratilmoqda».

Shuningdek, ta'kidlanishicha, Belarus tomoni bilan muzokaralar o‘tkazish va tegishli kelishuvni imzolash vazifasi TIV va Moliya vazirligiga yuklangan.