OAV: Raqqada xalqaro koalitsiya aviazarbalari tufayli qariyb 80 kishi halok bo‘ldi

AQSh boshchiligidagi xalqaro koalitsiyaning Suriyaning Raqqa shahriga bergan aviazarbalari natijasida tinch aholi vakillaridan kamida 78 nafari halok bo‘ldi. Bu haqda SANA agentligi xabar qilmoqda.

Ta'kidlanishicha, koalitsiya aviatsiyasi As-Saxoniy, Xarit Al-Beda va At-Tusiya mavzelariga zarbalar bergan.

Bundan tashqari, ko‘plab uy-joylar hamda infratuzilma obektlari vayron bo‘lgani xabar qilinmoqda.

Avvalroq AQSh Suriya hukumatiga kimyoviy qurol qo‘llanilishi yuzasidan maxsus bayonot bilan chiqqandi.