Boks, JCh–2017: Ikkinchi g‘alaba - Jasurbek Latipov ham kurashni davom ettiradi

Germaniyaning Hamburg shahrida AIBA shafeligi ostida boks bo‘yicha Jahon chempionati davom etmoqda.

Musobaqaning ikkinchi kunida 52 kilogramgacha bo‘lgan yengil vaznli bokschilar ishtirokida birinchi saralash bosqichi bellashuvida hamyurtimiz Jasurbek Latipov  puerta rikolik Yankiel Riveraga qarshi ringga chiqdi va 5:0 hisobida g‘alaba qozondi.

Bolgariyalik, filippinlik, marokashlik, kubalik va yaponiyalik hakamlardan iborat besh hakamning barchasi 30:27 hisobida har uch raundda hamyurtimiz g‘alaba qozonganini qayd etishdi.

Jasurbek Latipov 28 avgust kuni ikkinchi saralash bosqichida bolgariyalik bokschi Daniyel Asenovga qarshi ringga ko‘tariladi.

Sizlarga ertaga 27 avgust kuni ringga chiqadigan bokschilarimiz haqidagi ma'lumotni taqdim etamiz:

49 kg. Ikkinchi saralash bosqichi. 27 avgust

Hasanboy Do‘smatov (O‘zbekiston) - Robinson Rodriges (Kosta Rika)

56 kg. Ikkinchi saralash bosqichi. 27 avgust

Murodjon Ahmadaliyev (O‘zbekiston) - Qayrat Yeraliyev (Qozog‘iston)

64 kg. Ikkinchi saralash bosqichi. 27 avgust

Iqboljon Xoldorov (O‘zbekiston) - Jon Guterres (Kolumbiya)

75 kg. Ikkinchi saralash bosqichi. 27 avgust

Isroil Madrimov (O‘zbekiston) - Aziz Ochilov (Turkmaniston)

91 kg. Ikkinchi saralash bosqichi. 27 avgust

Sanjar Tursunov (O‘zbekiston) – Yara Peralta (Argentina)