Runini sud qilishadi

Cheshir grafligi politsiyasi «Everton» hujumchisi Ueyn Runi avtomobilni boshqarish chog‘ida mast holatda bo‘lgani gumon qilinib hibsga olinganini tasdiqladi. Bu haqda Sky Sports nashri xabar tarqatdi.

Voqea payshanba kuni, mahalliy vaqt bilan tungi soat 02:00da (Toshkent vaqti bilan 06:00da) sodir bo‘lgan, politsiya 31 yoshli futbolchini Cheshir grafligidagi uyi yaqinida to‘xtatgan va hibsga olgandi.

Futbolchi garov puli evaziga qo‘yib yuborilgan. U 18 sentabr kuni sudda ko‘rsatma berishga majbur bo‘ladi.