Gaz idorasiga to‘lovni amalga oshirishini va'da berib firibgarlik qilgan shaxs ushlandi

Yangiyo‘l tumanida istiqomat qiluvchi N.R. tuman gaz idorasi nazoratchisi lavozimidagi faoliyati davomida mahallalarda ishlatilgan gaz haqini undirib yurib, firibgarlikka qo‘l urdi. Bu haqda Toshkent IIB xabar bergan.

Yangiyo‘l tumani Eski Qovunchi mahalla fuqarolar yig‘inida yashovchi, nafaqaxo‘r, 1954 yilda tug‘ilgan G‘.Q.ning ishonchini suiste'mol qilib, «xonadoningiz gaz ta'minoti uchun hisobiga tushirib beraman» deb aldab, G‘.Q.dan 800.000 so‘m pulini olib, o‘z ehtiyojiga ishlatib yuborgan.

Hozirda N.R.ga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.