Rossiyalik harbiy-ekologlar Vrangel orolida 300 tonnadan ortiq temir-tersak yig‘ishdi

Rossiya armiyasining Sharqiy harbiy okrugi ekologiik vzvodi Arktikaning Vrangel orolida 310 tonna temir-tersak yig‘di, deb xabar qilmoqda RIA Novosti.

"ShHO ekologik vzvodi harbiy xizmatchilari Vrangel orolida 310 tonna temir-tersak yig‘ib, quruqlikka yuborishga tayyorlab qo‘ydi. Bo‘linmaning yanada samarali faoliyat yuritishi uchun ob-havo sharoiti yaxshilansa, Anadir aeroportidan Vrangel oroliga ikkita presslovchi va kesuvchi uskuna ortilgan vertolyot yuboriladi", — deyiladi xabarda.

Ta'kidlanishicha, harbiy xizmatchilar presslovchi uskunalar, generatorlar, benzinli arralar, "Ural" bort mashinalari, "KamAZ" samosvallari, avtomobil krani va 20 funtli konteynerlardan foydalanmoqda. Harbiy ekologlar oktabr oyigacha 600 tonnaga yaqin yoqilg‘i-moylash materiallaridan qolgan bochkalarni presslashni rejalashtirmoqda.