Fransiya mudofaa byudjyetini 1,6 mlrd yevroga oshiradi

Fransiya 2018 yilda mudofaa byudjyetini 1,6 mlrd yevroga oshiradi, deb ma'lum qildi mamlakat bosh vaziri Eduar Filipp.

Uning aytishicha, keyingi yil uchun mudofaa xarajatlarining oshishi oxirgi 6 yil ichidagi eng yirigi bo‘ladi.

“Bu 2019 va 2020 yilda ham davom ettiriladi, chunki biz yashayotgan dunyo xavflidir”, deb aytgan bosh vazir. 

Iyulda prezident Emmanuel Makronning joriy yil uchun mudofaa byudjyetining 850 mln yevroga qisqartirilishi rejasi bosh shtab boshlig‘i general Per de Vilening iste'foga chiqarilishiga sabab bo‘lgan. General Makronning bu taklifidan noroziligini bildirgan.