Doha Ar-Riyodni muloqotga chaqirdi

Qatar amiri Tamim bin Hamad al-Taniy Saudiya Arabistoni valiahd shahzodasi bilan telefon muloqoti davomida uni Fors ko‘rfazidagi inqirozga yechim topish uchun muloqotni yo‘lga qo‘yishga chaqirdi. Bu haqda Saudiyaning SPA agentligi xabar bergan.

Al-Taniyning ta'kidlashicha, barcha tomonlar manfaatlari hisobga olingan holda inqirozga yechim topish juda muhimdir.

O‘z navbatida, Saudiya Arabistoni valiahd shahzodasi yakuniy qaror haqida boshqa tomonlar – BAA, Misr va Bahrayn bilan kelishuvga erishilgach, xabardor etishini ta'kidlab o‘tdi.

Telefon muloqoti AQSh prezidenti Donald Trampning tashabbusi bilan o‘tkazilgan, deb xabar qiladi Qatarning QNA agentligi.

Avvalroq Saudiya Arabistoni Qatar bilan muloqotdan bosh tortgani xabar berilgandi.