Yaqin 2-3 haftada valyutani olish qimmatlashishi mumkin

Yaqin 2-3 haftadan keyin valyutani olish qimmatlashishi mumkin. Markaziy bank (MB)ning "Valyuta siyosatini liberallashtirish bo‘yicha birinchi  navbatdagi chora-tadbirlar"iga bag‘ishlangan tadbirida ishtirok etgan KUN.UZ muxbiri MB raisining birinchi o‘rinbosari Temur Ishmetovning so‘zlariga asoslanib, shu haqida  xabar berdi. 

"Taxminlarga ko‘ra, 2-3 haftadan keyin valyutani olish qimmatlashishi mumkin", - deydi MB raisining birinchi o‘rinbosari va bunday o‘zgarishlar bozor munosabatlari, talab va taklif asosida shakllanishini qo‘shimcha qildi. 

Shu o‘rinda Markaziy bankning vazifasi kursning keskin o‘sishini nazorat qilish va tebranishlarning oldini olish ekani qayd etib o‘tildi. 

Bundan tashqari, mutaxassislar valyuta sohasida qilinadigan ishlarning deyarli 90 foizi bajarilgani, shunday bo‘lsa-da, bundan keyin qilinadigan ishlar ham ko‘pligini ta'kidlashdi.