O‘zbekiston va Lyuksemburg ikki yoqlama soliqqa tortishning oldini olish to‘g‘risidagi Konventsiyaga bayonnomani imzoladi

Joriy yilning 18 sentabr kuni Lyuksemburgda O‘zbekiston Respublikasi va Lyuksemburg Gertsogligi o‘rtasida 1997 yil 2 iyulda Lyuksemburg shahrida imzolangan, ikki yoqlama soliq solinishining oldini olish hamda daromad va sarmoya soliqlarini to‘lashdan bosh tortishni bartaraf qilish to‘g‘risida Konventsiyaga o‘zgartirish va qo‘shimchalar kiritish to‘g‘risidagi Bayonnomani imzolash marosimi bo‘lib o‘tdi. 

Bayonnoma O‘zbekiston Respublikasi Davlat soliq qo‘mitasi raisi Botir Parpiyev hamda Lyuksemburg Moliya vaziri Per Graminya tomonidan imzolandi.

Bayonnoma bilan Konventsiyaga soliqlar shaffofligining xalqaro standartlariga javob beradigan yangi tartiblar kiritilmoqda.