Qozog‘iston parlamenti O‘zbekiston bilan avtomobil qatnovi to‘g‘risidagi bitimga tuzatishlar ratifikatsiyasini ma'qulladi

Qozog‘iston parlamenti deputatlari bugun, 20 sentabr kuni bo‘lib o‘tgan yalpi majlisda Qozog‘iston va O‘zbekiston o‘rtasida xalqaro avtomobil qatnovi to‘g‘risidagi Bitimga, shuningdek, Qozog‘iston-Norvegiya xalqaro avtomobil tashuvlari to‘g‘risidagi Bitimga tuzatishlar kiritilishini tasdiqladilar. Bu haqda Kazakhstan Today xabar bermoqda.

Mamlakat Majilisi spikeri Nurlan Nigmatulinning so‘zlariga ko‘ra, O‘zbekiston va Norvegiya bilan kelishuvlar Qozog‘istonning transport infratuzilmasidan foydalanadigan global logistika sxemalarini shakllantirishga qaratilgan.

Xabar qilinishicha, kelishuvlarni ratifikatsiya qilish yo‘lovchilarni, shuningdek, avtomobil transportini, savdo-iqtisodiy hamkorlikni rivojlantirish uchun huquqiy asos yaratadi.