Mitsubishi Rossiyada 90 mingga yaqin ASX yo‘ltanlamaslarini chaqirib olmoqda

Yaponiyaning Mitsubishi kompaniyasining Rossiyadagi rasmiy dileri 89 mingdan ortiq Mitsubishi ASX krossoverlarini qaytarib olmoqda. Bunga oyna tozalovchi bilan bog‘liq ehtimoliy nosozliklar sabab qilib ko‘rsatilmoqda, deyilmoqda Rosstandart saytidagi xabarda.

Shunday qilib jami 89 406 dona mashina chaqirib olinadi. Ular 2010 yil iyulidan 2016 yil yanvariga qadar sotilgani ta'kidlanmoqda. Barcha transport vositalari tekshirib ko‘riladi va zarur bo‘lgan hollarda old oyna tozalagich motori almashtiriladi. 

Rasmiy diler barcha avtomobillar egalarini o‘z mashinalarini dilerlik markazi olib kelish zarurligidan ogohlantiradi. Ta'mirlash ishlari bepul o‘tkaziladi.