Yilning eng yaxshi murabbiyi bo‘lish uchun uch nafar nomzod kurashadi

FIFA 2017 yilning eng yaxshi murabbiyi bo‘lish uchun da'vogar bo‘lgan so‘nggi uch nafar nomzod nomini e'lon qildi. Bu haqda tashkilot rasmiy saytida ma'lum qilingan.

Unga ko‘ra, «Real» bosh murabbiyi Zaynidin Zidan, «Yuventus» ustozi Massimiliano Allegri va «Chelsi» bosh murabbiyi Antonio Konte nomzodlari g‘oliblik uchun kurash olib boradi.

Zidan «Real» bilan YeChL va Ispaniya chempionatida zafar quchgan bo‘lsa, Konte «Chelsi»ni birinchi mavsumidayoq APL chempioniga aylantirgandi. Allegri esa «Yuve» bilan YeChL finaliga yetib kelgan va Italiya chempioni bo‘lgan.