Video: Amerikadagi vatandoshlar O‘zbekistonni rivojlantirishga hissa qo‘shishga tayyorliklarini bildirishdi

O‘zbekiston Respublikasi Prezidenti Shavkat Mirziyoyev AQShga safari doirasida 21 sentabr kuni Nyu-Yorkda Amerika Qo‘shma Shtatlarida istiqomat qilayotgan bir guruh vatandoshlar bilan uchrashgan edi.

Prezident uchrashuvga kelganlar bilan suhbat qurib, ularning hayoti va faoliyati bilan qiziqdi. 

Amerikadagi o‘zbekistonliklar prezident bilan uchrashish o‘zlari uchun ulkan sharaf ekanini, bunday e'tibordan boshlari osmonga yetganini ta'kidlashgan. Ular O‘zbekistonda ilm-fan, ta'lim, texnologiya, investitsiya va boshqa sohalarni rivojlantirish, O‘zbekiston va AQSh muassasalari o‘rtasidagi aloqalarni mustahkamlash bo‘yicha o‘z fikr-mulohazalarini bayon etishgan. «O‘zbekiston 24» telekanali ushbu uchrashuvga oid lavhani namoyish qilgan.