Kolumbiyada eng yirik jinoiy to‘dalardan birining qariyb 30 a'zosi qo‘lga tushdi

Kolumbiya prezidenti Xuan Manuel Santosning ma'lum qilishicha, mamlakatdagi eng yirik jinoiy to‘dalardan biri – «Ko‘rfaz klani»ning 28 a'zosi qo‘lga olindi.

Bu haqda u Twitter’dagi sahifasida xabar bergan.

«Kolumbiya politsiyasini «Ko‘rfaz klani»ga qarshi «Odisseya» amaliyoti natijalari bilan tabriklayman: 28 kishi qo‘lga olindi. Biz jinoyatchilik bilan kurashda oldinga qarab ketayapmiz», - deya yozdi u.

Avvalroq Kolumbiya prezidenti Venesuelaga harbiy yo‘l bilan bostirib kirish qo‘llab-quvvatlanmasligi haqida ma'lum qilgandi.