Dunyoning eng yaxshi avtomobil yo‘llari qaysi mamlakatda ekani aniqlandi
Butunjahon iqtisodiy forumi (BIF) 137 mamlakatning 2017-2018 yillardagi Global raqobat reytingini e'lon qildi. Unda mamlakatlarning iqtisodiy ko‘rsatkichlari qatorida yo‘llar va transport infratuzilmalari sifati ham baholangan. Ta'kidlash joizki, mazkur ro‘yxatga Markaziy Osiyodan O‘zbekiston, Turkmaniston va Afg‘oniston kiritilmagan bo‘lsa, mintaqaning boshqa 3 davlati Qozog‘iston, Qirg‘iziston va Tojikiston ushbu reytingdan joy olgan.
MDH mamlakatlaridan O‘zbekiston, Turkmaniston va Belorussiya ro‘yxatdan joy olmagan. MDH davlatlari orasida eng yuqori natija Ozarboyjonga tegishli bo‘lib, uning avtoyo‘llari sifati 36-o‘ringa munosib ko‘rilgan. Armaniston va Rossiya hamdo‘stlik mamlakatlarida avtomobil yo‘llari sifati birmuncha yaxshiligi qayd etilgan bo‘lsa-da, ular umumiy ro‘yxatning 85- va 114-o‘rinlariga munosib ko‘rilgan. Markaziy Osiyo mintaqasi bo‘yicha birinchi o‘rinda turgan Qozog‘iston reytingda 115-o‘rinda.
Umuman reytingning kuchli o‘nligiga BAA, Singapur, Shveytsariya, Honkong, Niderlandiya, Yaponiya, Fransiya, Portugaliya, Avstriya, AQSh kirgan. Madagaskar, Haiti, Kongo demokratik respublika va Mavritaniya eng so‘nggi o‘rinlarni egallagan.
Mavzuga oid
20:42 / 06.10.2024
Forbes eng ko‘p maosh oladigan davlat rahbarlarini e’lon qildi
18:35 / 03.10.2024
O‘zbekiston global bilimlar indeksida 78-o‘rinni egalladi
15:59 / 02.10.2024
2024 yildagi eng xavfli ijtimoiy tarmoqlar ma’lum qilindi
23:53 / 30.09.2024