Ispaniya sudi Kataloniyaga mustaqilligini e'lon qilish imkonini taqiqlab qo‘ydi
Ispaniya konstitutsiyaviy sudi Kataloniya parlamentining 9 oktabrga belgilangan yig‘ilishi o‘tkazilishini muzlatib qo‘ydi. Bu yig‘ilishda muxtoriyat mustaqilligi e'lon qilinishi mumkin edi, deb xabar bermoqda El Pais nashri.
Yig‘ilishning qonunga xilof ekanligi bo‘yicha shikoyatni sudga Kataloniya sotsialistik partiyasi bergan.
Partiya fikricha, kataloniyaliklarning harakati Ispaniya konstitutsiyasi buzilishi hisoblanadi, chunki ular sudning referendum o‘tkazilishi noqonuniyligi haqidagi ilk qarorini buzishgan.
Shikoyatning ko‘rib chiqish uchun qabul qilinishi hozircha yig‘ilish qonuniy asosda o‘tkazila olmasligini anglatadi.
Avvalroq Ispaniya bosh vaziri Mariano Raxoy Kataloniya hukumati muxtoriyatning mustaqilligi rejasidan voz kechishi kerakligini aytgan.
Kataloniya jyeneralitati (hukumati) boshlig‘i Karles Puchdemon esa Kataloniya yaqin kunlarda mustaqilligini e'lon qilishini aytgan.
Mavzuga oid
16:39 / 10.09.2024
Issiq havo tug‘ilish darajasini pasaytiradi - tadqiqot
08:36 / 10.09.2024
Ispaniya bosh vaziri Xitoy va YeI o‘rtasidagi savdo mojarosini bartaraf etishga urinib ko‘rdi
23:59 / 02.09.2024
Sevilyada noroziliklar: G‘arbiy Nil virusi besh kishining o‘limiga sababchi bo‘ldi
17:50 / 24.08.2024