Pentagon rahbari AQSh armiyasini Shimoliy Koreya bilan jang qilishga tayyor turishga chaqirdi
AQSh mudofaa vaziri Jyeyms Mettis amerikalik harbiylar Shimoliy Koreya bilan bog‘liq vaziyatni hal qilishning harbiy variantlariga tayyor turishlari kerakligini aytdi. Bu haqda 9 oktabrda Reuters axborot agentligi xabar berdi.
"AQSh armiyasi qila oladigan yagona ish – bizning prezident zarurat bo‘lganda qo‘llay oladigan harbiy variantlarga tayyor turishdir", deb aytgan Mettis AQSh armiyasining har yil o‘tkaziladigan an'anaviy anjumanida.
U Vashington va BMT Shimoliy Koreyaning yadro va raketa dasturi atrofidagi vaziyatni hal qilish uchun diplomatik sa'y-harakatlarni amalga oshirishni davom ettirayotganini eslatib o‘tdi.
9 oktabrda avvalroq AQShning razvedkachi samolyoti Shimoliy va Janubiy Koreya o‘rtasidagi harbiy-demarkatsion liniya bo‘ylab parvoz amalga oshirgani ma'lum bo‘lgandi.
Mavzuga oid
23:13 / 27.09.2024
Shimoliy koreyalik hakerlar Germaniyadagi qurolsozlik kompaniyasiga hujum uyushtirdi
11:20 / 19.09.2024
Shimoliy Koreya yana raketa sinovlarini o‘tkazdi
09:48 / 12.09.2024
Shimoliy Koreya yana ballistik raketalar uchirdi
14:33 / 10.09.2024