Shavkat Mirziyoyev Ramzan Qodirovni qabul qildi
O‘zbekiston Respublikasi Prezidenti Shavkat Mirziyoyev 16 oktabr kuni mamlakatimizga amaliy tashrif bilan kelgan Checheniston Respublikasi rahbari Ramzan Qodirovni qabul qildi. Bu haqda prezident matbuot xizmati xabar berdi.
Davlatimiz rahbari mehmonni qutlar ekan, oliy darajadagi muntazam uchrashuvlar O‘zbekiston bilan Rossiya o‘rtasidagi strategik sheriklik va ittifoqdoshlik munosabatlarini mustahkamlashga, shuningdek, ularni aniq amaliy mazmun bilan boyitishga xizmat qilganini alohida ta'kidladi.
Joriy yil aprel oyida Rossiya Federatsiyasiga oliy darajadagi tashrif chog‘ida imzolangan ikki mamlakat hududlari o‘rtasida hamkorlik to‘g‘risidagi hukumatlararo bitim turli tarmoqlarda yaqin hamkorlik va kooperatsiya aloqalarini mustahkamlash yo‘lida yangi imkoniyatlar yaratgani qayd etildi.
O‘zbekiston Prezidenti Shavkat Mirziyoyev bilan Rossiya Prezidenti Vladimir Putinning yaqinda Sochi shahrida bo‘lib o‘tgan uchrashuvida tomonlar hududlar darajasidagi aloqalar faollashayotganidan mamnun ekanliklarini bildirib, ushbu hamkorlikni qo‘llab-quvvatlashini ta'kidladilar.
Suhbat chog‘ida O‘zbekiston va Checheniston o‘rtasidagi ikki tomonlama hamkorlikni yanada rivojlantirish istiqbollari muhokama qilindi. O‘zaro savdo hajmi va nomenklaturasini kengaytirish, iqtisodiy, madaniy-gumanitar sohalarda qo‘shma dastur va loyihalarni amalga oshirish masalalariga alohida e'tibor qaratildi.
Ramzan Qodirov o‘zaro aloqalarni rivojlantirishga tayyorligini bildirdi
Mavzuga oid
12:27 / 09.11.2023
Raqamli bojxona, sanoat kooperatsiyasi, energetika: IHT doirasida O‘zbekistonning takliflari
12:06 / 09.11.2023
Shavkat Mirziyoyev IHT doirasida savdoni soddalashtirish to‘g‘risida bitim qabul qilishga chaqirdi
11:34 / 09.11.2023
Shavkat Mirziyoyev Qozog‘iston bilan hamkorlikni rivojlantirish muhimligini ta’kidladi
10:57 / 09.11.2023