Toyota antiqa dizaynli avtomobilni taqdim qiladi

Tokiodagi avtoshouda taqdim qilinadigan ixcham, saloni qorong‘uda yorishuvchi Toyota Wonder-Capsule kontsept-kari Toyota’ning Auto Body bo‘linmasi va Anrealage kiyimlar brendi bilan birgalikda yaratildi.

Ma'lum qilinishicha, yangi mashina bor-yo‘g‘i 2,5 metr uzunlikka va 1,3 metr enga ega. Ikki o‘rindiqli avtomobil vertikal old oynasi va uning kattaligi bilan e'tiborni jalb qiladi.

"Toyota" eshiklari harakatga qarshi ochiladi. Salonda asboblar paneli yo‘q, barcha ma'lumot old oynaga chiqariladi. Mashina poli va o‘rindiqlari lyuminessent material bilan qoplangan va buning evaziga qorong‘uda yorishadi. Bu qoplama ultrabinafsha nurlar yoki shunchaki yorqin chaqnash ta'sirida ham yorug‘lanadi. Yukxona o‘rniga o‘rindiq orqasida kichik bo‘lma ko‘zda tutilgan.

Kontsept-kar birinchi navbatda mashinalarni ijaraga berish xizmatlariga mo‘ljallangan. Mashina tarmoqdan haydovchi haqidagi ma'lumotlarni olib, unga moslab rul va o‘rindiqni sozlaydi.