Yashnobod tumanidagi bekatda o‘g‘rilik qilgan ayol ushlandi

2017 yilning 21 oktabr kuni taxminan soat 08:00 larda, Ch.S. o‘zganing mol-mulkini yashirin ravishda talon-toroj qilish maqsadida, Yashnobod tumanida joylashgan bekatda, fuqaro O.N. chalg‘iganligidan foydalanib, uning sumkasidan 800.000 so‘m miqdoridagi pullarini o‘g‘irlagan. Bu haqda poytaxt IIBB xabar berdi.

Mazkur holat yuzasidan, Yashnobod tumani IIB huzuridagi Tergov bo‘limi tomonidan O‘zbekiston Respublikasi JKning 169-moddasi 2-qismi “a” bandi (o‘g‘irlik, ya'ni jabrlanuvchinig sumkasidan mol-mulkini yashirin ravishda talon-toroj qilish (kissavurlik) alomatlari bilan jinoyat ishi qo‘zg‘atilgan. 

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.