Suriyadagi qochqinlar lagerida ro‘y bergan terakt qurbonlari soni 100 nafardan oshdi

Suriyaning Dayr az-Zor tumani hududida qochqinlar lagerida sodir etilgan terakt oqibatida halok bo‘lganlar soni 100 nafarga yetdi. Bu haqda Prensa Latina o‘z manbasiga asoslangan holda xabar tarqatmoqda.

SANA agentligi ma'lumotiga ko‘ra, IShIDga a'zo xudkush boshqaruvidagi avtomobil qochqinlar lagerida portlatilgan.

Dastlabki xabarlarda, portlash oqibatida o‘nlab kishilar halok bo‘lgani, ularning aksar qismi ayollar va bolalar ekani aytilgandi.

Biroz oldinroq Suriya hukumati Dayr-az-Zorda nazorat o‘rnatgani haqida e'lon qilgandi. Bu shaharni jangarilardan ozod etish uchun 18 oktabr kuni harbiy harakatlar boshlangandi.