Qahva haqidagi boshqotirma Twitter’ni «portlatdi»

«Tvitter»da Purp taxallusi ostidagi foydalanuvchi tomonidan e'lon qilingan boshqotirma mashhur bo‘lib ketdi. Bir qarashda oddiydek ko‘rinuvchi masala ijtimoiy tarmoqning ko‘plab yuzerlari hayrati va noto‘g‘ri javoblariga sabab bo‘ldi. Tasvirda bir-biriga turli trubkalar bilan qisman bog‘langan finjon va qahvani ko‘rish mumkin.

Qaysi finjon birinchi bo‘lib qahva bilan to‘ladi?

Qahvali boshqotirma bir sutkaning ichida mingdan oshiq repostga sabab bo‘ldi. Foydalanuvchilar turli nazariyalarni ham bir-biri bilan taqqoslashgan. Nazariyalardan eng qadimgisiga ko‘ra, barcha finjonlar bir vaqtda to‘ladi.

To‘g‘ri javobni esa quyidagi sxemada ko‘rishingiz mumkin. Beshinchi finjon nafaqat qahvaga birinchi bo‘lib to‘ladi – u ichimlik «yo‘l oladigan» yagona idish ham sanaladi.