O‘zbekiston termasi uchun yana bir imkoniyat - AQSh alamzadalar o‘rtasida jahon chempionati tashkil qilmoqchi

2018 yil yozida jahon chempionatidan tashqari yana bir turnir o‘tkazilishi mumkin, deb xabar bermoqda Goal.

Unda JCh-2018 yo‘llanmasini qo‘lga kiritolmagan terma jamoalar ishtirok etishi rejalashtirilmoqda.

Ayni paytda AQSh futbol federatsiyasi FOX telekompaniyasi bilan ushbu musobaqaning istiqboli bo‘yicha muzokara o‘tkazyapti. Amerikalik futbol mulozimlarining fikriga ko‘ra, bu musobaqada ishtirok etish orqali terma jamoalar nafaqat alamidan xalos bo‘lish, balki kelasi saralash o‘yinlariga tayyorgarlik ko‘rish imkoniyatiga ham ega bo‘ladi.

Eslatib o‘tamiz, JCh-2018 yo‘llanmasidan quruq qolgan terma jamoalar ichida Italiya, Niderlandiya, Chexiya, Uels, Ruminiya, Gretsiya, Ukraina, AQSh, Turkiya va O‘zbekiston ham bor.