Qoʻshimcha funksionallar
-
Tungi ko‘rinish
«Pul yoki ozodlik»: saudiyalik shahzodalarga tanlash imkoniyati berilgan
Foto: Shutterstock
Saudiya Arabistoni hukumati podshohlik oilasining korrupsiyada gumonlanib qo‘lga olingan a'zolariga mol-mulklarini ozodlikka almashtirish taklifi bilan chiqdi. Bu haqda Financial Times nashri o‘z manbalariga tayangan holda yozmoqda.
Nashrning aniqlik kiritishicha, hukumat shu tariqa davlat g‘aznasini yuz milliardlab dollarga to‘ldirishni rejalashtirib qo‘ygan.
«Ular Ritz’da (Ritz-Carlton mehmonxonasi – tah.) bo‘lgan aksariyat bilan muzokaralar olib borishmoqda. Ularga mol-mulk, pullarni chiqaring va ozod bo‘lishingiz mumkin, deyilgan», - deya aytib o‘tgan manba.
Gazeta suhbatdoshining so‘zlariga ko‘ra, qo‘lga olingan milliarderlardan biriga o‘z boyligining 70 foizini davlatga o‘tkazib berish taklifi bilan ham chiqishgan. Qayd etilishicha, bu korrupsiya faoliyati tufayli yetkazilgan zararni qoplashga ketadi.
Eslatib o‘tamiz, avvalroq OAV saudiyalik milliarderlar vahimaga tushib qolgani haqida xabar bergandi.
Saudiya Arabistonida taxt kurashi
4 noyabr kuni Saudiya Arabistonida 11 nafar shahzoda va 4 nafar yuqori martabali amaldor korrupsiyada ayblanib hibs qilindi. Bu hodisa valiahd shahzoda Muhammad ibn Salmonning o‘z raqobatchilaridan qutulish yo‘lidagi harakati sifatida baholanmoqda.
Mavzuga oid
20:23 / 25.11.2024
O‘zbekistonning Islom hamkorlik tashkilotidagi doimiy vakili tayinlandi
08:10 / 12.11.2024
O‘zbekistonga Saudiya kompaniyalarining qariyb 2,5 mlrd dollarlik investitsiyalari jalb etiladi
19:01 / 11.11.2024
O‘zbekiston va Saudiya bosh prokurorlari tergov va axborot almashinuvida hamkorlik bo‘yicha kelishuv imzoladi
09:25 / 11.11.2024