AQShda qariyalar uyida chiqqan yong‘in oqibatida 27 kishi jabrlandi

AQShning Pensilvaniya shtatida joylashgan qariyalar uyida sodir bo‘lgan yong‘in oqibatida 27 kishi jarohat oldi. Bu haqda ABC telekompaniyasi xabar bermoqda.  

Ta'kidlanishicha, yong‘in  18 noyabr kechki vaqt Filadelfiyadan g‘arbda joylashgan 5 qavatli binoda sodir bo‘lgan.

Yuzlab o‘t o‘chiruvchilar yong‘inni bartaraf etish va ba'zilari o‘zi mustaqil yura olmaydigan keksalarni evakuatsiya qilishda ishtirok etgan. Favqulodda xizmatlar umumiy hisobda 160 kishini, jumladan qariyalar uyi xodimlarini evakuatsiya qilishgan.

Ayni vaqtda yong‘inga nima sabab bo‘lgani ma'lum emas.