BMT: Yamanda har 10 daqiqada bir bola vafot etmoqda

Yaman bolalar uchun sayyoramizdagi eng yomon joylardan biriga aylangan. Bunday fikrni YUNISEFning Yaqin Sharq va Shimoliy Afrika davlatlari bo‘yicha vakili Gert Kappeler bildirdi.

Uning ta'kidlashicha, Yamanda 11 mln bola favqulodda gumanitar yordamga muhtoj va har 10 daqiqada oldini olish mumkin bo‘lgan kasalliklardan bir bola vafot etadi. 

“Afsuski, Yamandagi urush bolalar bilan urushga aylangan”, deb aytmoqda Kappeler. Uning aytishicha, Saudiya Arabistoni boshchiligidagi xalqaro koalitsiya yamanlik husiylarga qarshi operatsiya boshlagandan beri Yamanda 5 mingga yaqin bola halok bo‘lgan yoki og‘ir jarohat olgan.