Video: De Shilo faoliyatidagi ilk golini qanday nishonlashni bilmadi

«Yuventus» himoyachisi Mattia De Shilo A Seriyadan o‘rin olgan «Krotone» (3:0) klubiga qarshi o‘yinda raqib darvozasini ishg‘ol etdi.

Bu 25 yoshli futbolchi uchun faoliyatidagi birinchi goli edi.

«Gol urish juda zo‘r hissiyotlarni vujudga keltirar ekan. Hatto, uni qanday nishonlashni ham bilmay qoldim. Hamma meni quchoqlab oldi. Hatto Buffon ham chopib keldi. Bu juda ajoyib kecha edi. Endi barchani tushlik bilan mehmon qilishim kerak» - deb De Shilo so‘zlarini keltirmoqda Football Italia.

Eslatib o‘tamiz, De Shilo faoliyatini 2011 yilda «Milan» klubida boshlagan edi. 2017 yil yozida u «Yuventus»ga o‘tdi.