«Zimbabvega qarshi sanksiyalarni bekor qilish vaqti keldi»
Jahon hamjamiyati Zimbabveda hokimiyat o‘zgarganiga bu mamlakatga qarshi sanksiyalarni bekor qilish bilan reaksiya bildirishi kerak. Bu haqda BMTning demokratik va adolatli xalqaro tartibni ma'qullash masalasi bo‘yicha mustaqil eksperti Alfred Moris de Zayas va bir tomonlama majburiy choralarning salbiy ta'siri masalasi bo‘yicha inson huquqlariga oid maxsus ma'ruzachi Idris Jazoiriyning qo‘shma bayonotida aytiladi.
Ular Zimbabveda hokimiyatning o‘zgarishi qon to‘kilishisiz kechganini alohida ta'kidlashgan. "Robert Mugabening iste'foga chiqishi yangi davr boshlanganidan darak beradi, u demokratiya va qonun ustuvorligiga asoslangan bo‘lishi lozim", - deyiladi bayonotda. "Biroq bu iqtisodiy majburlash ta'siri ostida ro‘y bermaydi", - deya ta'kidlaydi BMT ekspertlari. Ular "sanksiyalar siyosiy o‘zgarishlarga emas, balki oddiy insonlarning aziyat chekishiga olib kelganini" eslatishgan.
"Ayni damda siyosiy muloqot va iqtisodiyotni tiklash vaqti keldi", - deydi de Zayas va Jazoiriy. "Biz xalqaro hamjamiyatni Zimbabve bilan iqtisodiyot hamda moliyaviy tizimni tiklash ustida ishlashga chaqiramiz", - deya ta'kidlanadi hujjatda.
Mavzuga oid
12:30 / 20.09.2024
AQSh Rossiya va KXDRning beshta yuridik va jismoniy shaxsiga qarshi sanksiyalar kiritdi
20:55 / 14.09.2024
Zimbabve qurg‘oqchilik tufayli 200 ta filni o‘ldiradi
16:05 / 14.09.2024
YeI Rossiyaga raketa yetkazib bergani uchun Eronga qarshi sanksiyalar joriy qiladi
11:50 / 11.09.2024