O‘zbekistonlik sportchi pauerlifting bo‘yicha jahon chempionatida 3-o‘rinni egalladi

2017 yilning 2-10 dekabr kunlari Meksikada paralimpiyaning pauerlifting sport turi bo‘yicha Jahon chempionati bo‘lib o‘tmoqda. Mazkur musobaqada 4 nafar hamyurtimiz vatanimiz sharafini ximoya qilmoqda.

 Chempionatning ilk kunlari O‘zbekiston milliy paralimpiya terma jamoasi sportchisi Qo‘ziyeva Roza ayollar o‘rtasida 55 kilogrammgacha bo‘lgan vazn toifasida kechgan bahsda ishtirok etib, 113 kilogramm toshni ko‘tarib, bronza medalini qo‘lga kiritdi. 2-o‘rinni ukraninalik sportchi Shevchuk Mariana hamda 1-o‘rinni meksikalik Perez Amaliya egallashdi.

Eslatib o‘tamiz, mazkur musobaqada 57 davlatdan 300ga yaqin paralimpiya sportchisi kuch sinashmoqda.