Saudiya Arabistoni AQShni Al-Quds bo‘yicha qarorini o‘zgartirishga chaqirdi

Saudiya Arabistoni tashqi ishlar vaziri Odil al-Jubayr AQShni Al-Qudsni Isroil poytaxti deb tan olish qarorini qayta ko‘rib chiqishga chaqirdi. 

Saudiya Arabistoni AQShning Yaqin Sharqdagi uzoq yillik eng yaqin hamkori hisoblanadi. 

“Saudiya Arabistoni AQSh ma'muriyatini Al-Quds bo‘yicha qarorini qayta ko‘rib chiqishga chaqiradi”, deb aytgan al-Jubayr Qohirada o‘tgan Arab davlatlari tashqi ishlar vazirlari yig‘ilishida. Uning ta'kidlashicha, butun jahon hamjamiyati Falastin muammosi yechimini izlash bo‘yicha sa'y-harakatlarni faollashtirishi kerak.