Britaniya pasporti mamlakat YeIdan chiqqanidan so‘ng o‘z rangini almashtiradi

Buyuk Britaniya Yevroittifoqdan chiqqanidan keyin (Brexit)mamlakat pasportlariga ko‘k rangdagi muqova qaytariladi. Telegraph shu haqida xabar berdi.

2019 yilda Brexit'dan keyin Yevropa Ittifoqi belgisini o‘z ichiga olmagan yangi dizayn 80-yillarda paydo bo‘lgan qizil muqovaning o‘rnini egallaydi. 

Xoum-ofis vaziri Brendon Lyuisning aytishicha, yangi pasport "biz ko‘rgan eng texnologik va xavfsiz hujjat" bo‘ladi. Bu esa uni soxtalashtirish yoki firibgarlik uchun noqulay qiladi. 

Lyuisning so‘zlariga ko‘ra, Britaniya pasporti 1921 yili qo‘lga kiritilgan ko‘k muqova va zarhal harflardan iborat  "kanonik" dizaynini qaytaradi.