«Shimoliy Koreyadan yadroviy NUJ» - Mask SpaceX raketasiga ta'rif berdi

SpaceX asoschisi Ilon Mask o‘z kompaniyasi raketasini hazil aralash «Shimoliy Koreyadan yadroviy NUJ» deb atadi. Bu haqda u tvitterda yozgan.

Mask tvitterdagi yozuviga SpaceX raketasining uchirilishi tasvirlangan videoyozuvni ham qo‘shib qo‘ydi.

«Shimoliy Koreyadan yadroviy o‘zga sayyoralik NUJ», - deya yozgan Mask videorolik izohida.

Bundan avval foydalanuvchilardan biri Maskka osmondagi yorqin raketa o‘zga sayyoraliklar haqida yana o‘ylashga chorlagani uchun minnatdorchilik bildirgandi. SpaceX asoschisi esa foydalanuvchiga «bu aniq o‘zga sayyoraliklar bo‘lgani» bilan javob qaytardi.

Avvalroq Kaliforniyada Falcon 9 raketa-tashuvchisi bortida 10 ta Iridium aloqa yo‘ldoshi bilan birga koinotga uchirilgani xabar qilingandi.