Qoʻshimcha funksionallar
-
Tungi ko‘rinish
Falastinlik siam egizaklari 15 soat operatsiya qilindi

Foto: KSAU HS
Saudiya Arabistoni poytaxti Ar-Riyodda shifokorlar chaqaloqni parazit-egizagidan ajratishni ko‘zda tutuvchi 15 soatlik jarrohlik operatsiyasini muvaffaqiyatli tugallashdi.
Farah ismli qizcha va Hanin ismli o‘g‘il bola o‘tgan yilning oktabr oyida Falastinda dunyoga kelgan, ular tana a'zolarining pastki qismlari orqali bog‘langan. Biroq Hanin to‘liq shakllangan bola bo‘lib, Farahning esa o‘pka va yurak sohalari bo‘lmagan. Operatsiya davomida tibbiyot xodimlari dastlab chaqaloqlarning ichak va jigarini ajratishdi, so‘ng tos sohasini ajratishga kirishishdi.
Siam egizaklari valiahd shahzoda Muhammad bin Salmon farmoniga muvofiq, Falastindan Saudiya Arabistoniga keltirildi. Jarrohlik amaliyoti qirol Abdulloh nomli bolalar shifoxonasida bo‘lib o‘tdi. Jarrohlar brigadasini doktor Abdulloh bin Abdulaziz Ar-Robia' boshqargan.


Operatsiya muvaffaqiyatli o‘tgan. Hozirda Hanin qayta tiklanish jarayonini boshdan o‘tkazmoqda. Bolakayning otasi oilaga beminnat yordam qo‘lini cho‘zib, barcha xarajatlarni o‘z zimmasiga olgan shahzodaga minnatdorchilik bildirgan.
Mavzuga oid

23:20 / 25.05.2025
Malta iyun oyida Falastin mustaqilligini tan oladi

17:55 / 21.05.2025
G‘arbning asosiy davlatlari Falastinni tan olmoqchi. Bu nimani o‘zgartiradi?

10:39 / 20.05.2025
Britaniya, Fransiya va Kanada Isroilga «aniq choralar» bilan tahdid qildi

22:36 / 17.05.2025