Qoʻshimcha funksionallar
-
Tungi ko‘rinish
Propiskasiz fuqarolarni ishga qabul qilishda rad javobi berilmaydi
O‘zbekistonda fuqarolarni doimiy va vaqtincha ro‘yxatga qo‘yish (hisobga olish) tartibi soddalashtiriladi, ularning mamlakat hududida erkin harakatlanish hamda mehnat qilish huquqlari ta'minlanadi. Bu haqda «Faol tadbirkorlik, innovatsion g‘oyalar va texnologiyalarni qo‘llab-quvvatlash yili» davlat dasturi loyihasida ma'lum qilingan.
Qayd etilishicha, 2018 yil 1 aprelga qadar bu borada normativ-huquqiy hujjatlar loyihalari ishlab chiqiladi.
Loyihalarda:
vaqtincha yoki doimiy propiskasiz fuqarolarni ishga qabul qilishni rad etish bilan bog‘liq amaliyotga barham berish;
mehnat munosabatlari jarayonida pasport tizimi qoidalariga rioya etmaganlik uchun ish beruvchining ma'muriy javobgarligini bekor qilish;
vaqtincha yoki doimiy propiskasiz yoxud turgan joyi bo‘yicha hisobda turmasdan yashaganlik, yashashga yo‘l qo‘yganlik uchun ma'muriy jazo choralarini yengillashtirish nazarda tutiladi.
Tegishli normativ-huquqiy hujjatlar loyihalari ustida Adliya vazirligi, Bosh prokuratura, IIV, Bandlik va mehnat munosabatlari vazirligi ish olib boradi.
2018 yilgi Davlat dasturi
«Faol tadbirkorlik, innovatsion g‘oyalar va texnologiyalarni qo‘llab-quvvatlash yili» Davlat dasturi loyihasi muhokama uchun e’lon qilindi, u 15 yanvarga qadar davom etadi.
Mavzuga oid
15:48 / 08.02.2025
Prezident Ai-80dan voz kechish va aholini arzon yoqilg‘i bilan ta’minlash topshirig‘ini berdi
16:47 / 24.01.2025
Toshkent propiskasi tarixga aylanadi: fuqarolar turgan joyi bo‘yicha ro‘yxatdan o‘tishda onlayn murojaat qilish imkoni yaratilmoqda
13:30 / 20.08.2024
Toshkent propiskasi haqidagi qonun bekor qilinadi
11:23 / 11.03.2024