Jonson barcha davlatlarni Shimoliy Koreyaning yadroviy dasturiga qarshi birlashishga chaqirdi

Buyuk Britaniya tashqi ishlar vaziri Boris Jonson dunyo hamjamiyatini Shimoliy Koreyaning yadroviy dasturiga “yondashuvda yakdil bo‘lishga” chaqirdi. Bu haqda Evening Standard nashri ma'lum qildi. 

“Shimoliy Koreyaning yadroviy qurol yaratish bo‘yicha noqonuniy dasturi mintaqaviy va xalqaro barqarorlikka tahdiddir. Xalqaro hamjamiyat bu masalada yakdil bo‘lishi kerak”, deb aytgan Jonson. 

Uning ta'kidlashicha, Shimoliy Koreyaga nisbatan sanksiyalar “ta'sir qilmoqda, biroq diplomatik bosimni saqlab qolish lozim”.

Nashrning ma'lum qilishicha, Jonsonning bayonoti Kanadadagi sammit arafasida bildirildi. Sammitda Shimoliy Koreya atrofidagi vaziyat muhokama qilinadi.