20 million! Xitoyda o‘tgan yili rekord darajada mashina ortga qaytarib olindi

2017 yilda XXRda xitoylik va xalqaro avtomobil ishlab chiqaruvchilar rekord darajada – 20 mln avtomobilni funksional nosozliklar hamda sifat bilan bog‘liq muammolar tufayli ortga qaytarib olishdi. Bu o‘tgan yilgi ko‘rsatkichdan 76,8 foizga ko‘proq, deb xabar bermoqda Xitoy avtomobil ishlab chiqaruvchilari assotsiatsiyasi. 

Mashinalarni bozordan olib qo‘yishga asosiy sabablar orasida – nosoz xavfsizlik yostiqchalari, dvigatel defekti, kamchiligi bo‘lgan yoqilg‘i o‘tkazgich, yurgizuvchi qism, akkumulyator va elektrika tizimidagi nosozliklar bor.

2017 yilda Xitoy bozorida ko‘proq Volkswagen, SAIC, Chevrolet, Audi, Toyota, Honda, Mercedes-Benz modellari ortga qaytarib olindi.

Xitoy sifat nazorati, inspeksiya va karantin bo‘yicha davlat bosh boshqarmasi so‘nggi 12 oyda avtomobillarni ortga qaytarib olish haqida hammasi bo‘lib 250 martadan ko‘proq ma'lum qilgan.