53 ta! Qozog‘istonda ishlayotgan aviakompaniyalar soni ma'lum qilindi

Qozog‘istonda 53 ta aviakompaniya ishlamoqda. Bu haqda investitsiyalar va rivojlanish bo‘yicha vazir Jyenis Qosimbek Qozog‘iston Respublikasi hukumatining yig‘ilishida ma'lum qildi.

Uning so‘zlariga ko‘ra, 20 ta kompaniya tijorat havo tashuvlarini, jumladan 7 tasi muntazam yo‘lovchi tashuvlarini amalga oshirsa, 32 tasi asosan qishloq xo‘jaligi ishlariga jalb etilgan.

Davlat reyestrida 913 ta havo transporti birligi ro‘yxatga olingan, har yili havo kemalari soni o‘rtacha 50-60 taga ko‘payishi kuzatilmoqda. «Asosan bu kichik aviatsiya, u qishloq xo‘jaligi ishlariga jalb etilgan, shuningdek, «Eyr Astana» va Skat kabi yirik kompaniyalar ham bor», - deya aytib o‘tgan idora rahbari.

Uning eslatishicha, mahalliy aviatashuvchilar AQSh bilan 1,5 mlrd dollardan ko‘proq summaga uchta «Boing-787 Drimlayner», shuningdek, «Boing-737 MAX» samolyotini xarid qilish bo‘yicha shartnoma imzolashgan. Bundan tashqari, Yevropa aviasozlik korporatsiyalari bilan muzokaralar davom etayotgani aytildi.