Video: ingliz klubi futbolchilari jamoa muxlislari bilan janjallashdi

Angliyaning «Uotford» klubi muxlislari jamoaning qoniqarsiz natijalaridan norozi bo‘lib ularga e'tiroz bildirishdi. «Sauthempton» uyida uchralgan mag‘lubiyatdan (0:1) keyin mehmonlar sektorida norozilik hayqiriqlari yangradi.

Bu esa shundoq ham yaxshi kayfiyatda bo‘lmagan «Uotford» klubi futbolchilariga yoqmadi. Asosan uch futbolchi Xose Xolebas, Kristian Kabasele va Abdulay Dukure bunga norozilik bildirdi va mehmonlar sektoriga borib muxlislarga e'tiroz bildira boshladi.

Ayniqsa Xose Xolebas muxlislardan birini pastga chorlab, birga-bir mushtlashmoqchi ekanini ham bildirdi. Ammo jamoadoshlari va stadion qo‘riqchilari kattalashib ketishi mumkin bo‘lgan janjalning oldini olib qolishdi.

«Uotford» bu uchrashuv bilan qo‘shib hisoblaganda Angliya premer-ligasining so‘nggi 11 uchrashuvda 8 marta mag‘lubiyatga uchradi. O‘tgan haftada jamoa bosh murabbiyi Marku Silva iste'foga chiqarilib uning o‘rniga Xavi Grasiya taklif qilingandi. Grasiyaning birinchi uchrashuvi ham mag‘lubiyat bilan tugadi.