Hindistonda avtobusning ko‘prikdan qulashi oqibatida o‘nlab odamlar halok bo‘ldi
Hindistonning G‘arbiy Bengaliya shtatida yo‘lovchi avtobusining ko‘prikdan daryoga qulashi oqibatida kamida 36 kishi halok bo‘ldi. Bu haqda mahalliy hukumatga iqtibos keltirgan holda Reuters axborot agentligi xabar berdi.
“Avtobus Kalkuttadan shimolga tomon 280 km uzoqlikda, haydovchi boshqaruvni yo‘qotgandan keyin Bxayrav daryosiga qulagan”, deb ma'lum qildi shtatning transport vaziri Suvandu Adxikari.
Uning aytishicha, falokat vaqtida avtobusda 55 kishi bo‘lgan. Ta'kidlanishicha, jasadlarni suvdan chiqarib olishga 6 soat talab qilingan. Omon qolganlar mahalliy shifoxonaga yetkazilganlar.
Shtat hukumati voqeani tergov qilishni boshlaganini va halok bo‘lganlar oilalariga 8 ming dollardan kompensatsiya to‘lanishini e'lon qilgan.
Mavzuga oid
14:25
O‘zbekiston va Hindiston ikki tomonlama investitsiya shartnomasi imzoladi
23:11 / 27.09.2024
Hindistonda 50 dan ortiq dori-darmonlar sifatida muammo aniqlandi
15:07 / 27.09.2024
Festival fojiaga aylandi: Hindistonda 46 kishi cho‘kib ketdi, ularning aksariyati bolalar
18:36 / 26.09.2024