Obamaga yuborilgan kukun bolalar terisiga sepiladigan vosita bo‘lib chiqdi – OAV

AQShning sobiq prezidenti Barak Obamaning Vashingtondagi ofisiga noma'lum kishilar tomonidan konvertda yuborilgan oq rangli kukunsimon modda bolalar terisiga sepiladigan vosita bo‘lib chiqdi. Bu haqda tergovning dastlabki natijalariga iqtibos keltirgan holda Fox 5 telekanali xabar berdi. 

Avvalroq ma'lum qilinganidek, konvert Obama ofisida aniqlangandan keyin voqea joyiga politsiya va o‘t o‘chirish xizmati, FQB va maxfiy xizmat xodimlari yetib kelishgan. Voqea oqibatida hech kimga zarar yetmagan. Telekanal ma'lum qilganidek, konvert Hongkongdan yuborilgan bo‘lgan.