FA Gvardiolaga ayblov e'lon qildi

Angliya futbol uyushmasi (FA) «Manchester Siti» bosh murabbiyi Xosep Gvardiola ustidan intizomiy ish ochdi.

Mutaxassis kataloniyalik siyosatchilarni qo‘llab-quvvatlash ramzi hisoblanadigan sariq lentani kiyimiga taqib yurganlikda ayblanmoqda. Ma'lumki, FA qoidalariga ko‘ra, o‘yin paytida siyosiy va diniy ramzlarni taqib yurish qat'iy taqiqlangan.

Endi Gvardiola bu ayblov yuzasidan 5 mart kunigacha tushuntirish berishi shart.

Ma'lumot o‘rnida, Gvardiola Kataloniyada tug‘ilib, o‘sgan va hududning Ispaniyadan ajralib chiqishi tarafdori hisoblanadi.