«Barselona» «Atletiko»ni yengib, oradagi farqni oshirdi

Ispaniya chempionatining 27-turida «Barselona» «Atletiko»ni mag‘lub etdi. «Kamp Nou» stadionida kechgan uchrashuv maydon egalarining 1:0 hisobidagi g‘alabasi bilan yakunlandi.

O‘yindagi yagona gol Lionel Messi hisobiga yozildi, u 26-daqiqada jarima zarbasini golga aylantirdi.

Bu mag‘lubiyatdan keyin «Atletiko» Primerada 6 o‘yin davom etgan g‘alabali seriyasini to‘xtatdi.

«Barselona» esa ochkolari sonini 69taga yetkazdi hamda turnir jadvalida peshqadamligini mustahkamladi. Ikkinchi o‘rindagi «Atletiko» 61 ochko bilan qoldi.

Ispaniya chempionati
27-tur
Barselona – Atletiko 1:0 (1:0, 0:0)
Gol: 1:0 – 26 Messi.
Barselona – ter Stegen, Umtiti, Pike, Alba, Koutino (Paulino, 84), Serdji Roberto, Buskets, Rakitich, Inesta (Andre Gomesh, 36), Messi, Suares.
Atletiko – Oblak, Ximenes, Filipe Luis (Lyuka Ernandes, 75), Vrsalko (Korrea, 59), Godin, Saul, Gabi (Gameyro, 66), Parti, Koke, Grizmann, Diyego Kosta.
Ogohlantirishlar: Messi (30), Vrsalko (31), Ximenes (57), Rakitich (69).