Forbes Trampning bir yil prezidentligi vaqtidagi yo‘qotishlarini baholadi

AQSh prezidenti Donald Tramp bir yil prezidentligi davomida 400 mln dollar yo‘qotdi. Bu haqda Forbes yozmoqda.

Tramp nashrning 2018 yilgi eng boy odamlar reytingida 766-o‘rinni egalladi va uning boyligi 3,1 mlrd dollarga baholangan.

Nashr Tramp boyligining kamayishi sababini bozordagi vaziyatda ko‘rmoqda, biroq Tramp shaxsining beqarorligi ham o‘z rolini o‘ynagan.

Tramp boyligi kamayishiga Nyu-York markazidagi “Tramp-tauer” qiymatining 41 mln dollarga arzonlashi olib kelgan. Trampning yana bir ko‘chmas mulki ijaraga talab kamaygani sabab jabr ko‘rgan.