Tramp shtabining sobiq rahbari 305 yilga qamalishi mumkin

AQSh prezidenti Donald Trampning saylovoldi shtabi sobiq rahbari Pol Manafort 305 yilga qamalishi mumkin. Bu agarda u barcha bandlar bo‘yicha aybdor deb topilsa, ro‘y beradi, deb xabar qilmoqda CNN.

«Sudlanuvchiga nisbatan ayblovlar xarakteri va unga qarshi dalillar hajmi e'tiborga olinsa, sudlanuvchi katta ehtimol bilan umrining qolgan qismini qamoqda o‘tkazishi oydinlashadi», - deya aytib o‘tdi Virjiniya okrug sudi sudyasi T.S. Ellis.

Telekanalning ta'kidlashicha, agarda Manafort barcha bandlar bo‘yicha aybdor deb topilsa, - unga esa soliqlarni to‘lashdan bo‘yin tovlash, bank firibgarligi va fitnada ishtirok etish ayblovi qo‘yilgan, - unda Tramp shtabi sobiq rahbari 305 yilga ozodlikdan mahrum etilishi mumkin.