Avstraliya TIV JCh-2018ni boykot qiladi

Avstraliya tashqi ishlar vaziri Juli Bishopning ma'lum qilishicha, Rossiyada futbol bo‘yicha 2018 yilgi jahon chempionatiga bormoqchi emas.

«Sanktsiyalariga keladigan bo‘lsak, Avstraliya Rossiyaga nisbatan qator shaxsiy sanksiyalarni joriy qildi. Xususan, Qrim noqonuniy egallab olinishidan so‘ng kiritilganlar ham shular jumlasidan. Bu sanksiyalar qayta ko‘rib chiqildi va yangilandi, bizda Rossiyadan bo‘lgan qator jismoniy shaxslar hamda tashkilotlarga nisbatan ham sanksiyalar bor», - deya Bishopning so‘zlarini keltiradi Fox Sport Australia.

Shuningdek, Avstraliya TIVdan xabar berishlaricha, Buyuk Britaniya hukumati bilan aloqada bo‘lib turishibdi.

«Bu hodisalar Rossiya hukumatining o‘ylamasdan ish ko‘rishi va tajovuzkorligidan darak beradi. Jahon chempionatini boykot qilish – amalga oshirilishi mumkin bo‘lgan navbatdagi qadamlardan biri», - deya aytib o‘tdi Bishop.