Tesla aksiyalari narxi bir qator salbiy holatlar sababli tushib ketdi

Foto: AFP / Peter Parks
Tesla kompaniyasining aksiyalari Nyu-York fond birjasidagi savdolar natijalariga ko‘ra 2 aprelda 5,1 foiz qiymatini yo‘qotdi va bir donasi narxi 252 dollargacha tushib ketdi.
MarketWatch agentligining ta'kidlashicha, aksiyalar narxi kompaniya uchun bir qator salbiy hodisalar ortida qadrsizlanmoqda. 23 martda avtopilotda ketayotgan Tesla Model X mashinasi yo‘l-transport hodisasiga tushgan. Oqibatda mashina yonib ketgan, haydovchi esa olingan jarohatlardan halok bo‘lgan. Bir kun o‘tib kompaniya rul gidrokuchaytirgichidagi muammo sababli 123 mingta model S’ni qaytarib olishini e'lon qilgan.
Keyinroq Moody's tahliliy agentligi Tesla’ning likvidligi yetarlichamasligini ta'kidlab, uning reytingini pasaytirgan.
Bu ham yetmagandek, kompaniya rahbari Ilon Mask 1 aprel hazil kuni munosabati bilan kompaniya bankrot bo‘lganini ma'lum qilgan, biroq uning bu hazili qimmatga tushgan ko‘rinadi.
Mavzuga oid

00:53 / 21.05.2025
Ilon Mask asta-sekin siyosatdan ketishga va’da berdi

22:14 / 13.05.2025
Ilon Mask Tesla’ning raqsga tushayotgan roboti videosi bilan bo‘lishdi

20:55 / 09.05.2025
Britaniyada urush faxriysi tankda Tesla avtomobilini pachaqladi

18:27 / 01.05.2025